大小魔怪遊 - 3個反斗星 @ 星馬遊 Day 3 (Part 2)

Legoland Part 2 Start!!!!!!!!!!!!

玩完過山車就去"Build & Test"涼冷氣同埋砌積木
裡面有大大小小不同o既積木比大朋友同小朋友玩
係一個非常唔錯o既地方

可以自己係枱度砌
又可以去測試枱度砌，砌完開機睇下自己o既成品受唔受到震盪

   

  

更加可以拎本passport去counter同職員登記
拎車轆砌車，砌好後去賽道鬥快
睇下邊個砌出黎o既車最利害

  

baba mama抖夠後就帶小朋友去附近o既 "Duplo Playtown" 繼續放電
呢度就最岩我地三隻反斗星玩啦
有滑梯、小火車、小迷宮等
估唔到朗朗咁大膽，可以一個人搭小火車"Duplo Express" 添

    

終於係度放晒D電
換埋套衫無耐就要訓陣叉電啦
坐左係近Playtown o既"Pizzaa Mania" 餐廳半個鐘後
我地決定抱住三隻小豬繼續行程

   

小朋友們訓得好冧
等我地經過有岩佢地玩o既遊戲都只能抱佢地行過影下相就走
唯有周圍再影下相啦

 

 

真係好佩服朗朗咁訓得
原先我地訂左最遲果一班旅遊巴 (21:15) 離開新山架
因為諗住會玩到最後再食埋野先走
但咁o既情況下，我地決定買埋野就走，希望早啲o既班次有位比我地上車啦
之後我地先去 "The Brick Shop" 睇下由工作人員幫我地影o既相
去到先知原來唔只得普通晒相
仲可以將相片變成由87個Lego組成o既相片架添
有d後悔無叫園內工作人員幫我地影多d相呀

Lego相架 RM150，多送一張8R相片
另外我地一人晒一張團體相，RM70 (三張)
真係好值得買o既紀念品呀
買左o既相片更加可以去指定Website download返softcopy添

買完相又點會滿足到我地呀
再過返對面o既 "The Big Shop"買過
朗朗都醒左要跟我一齊掃貨呀
呢日簡直係大出血加大豐收呀
無諗過我會豪洗RM1,000買手信同Lego架
但真係買得好開心

離開Legoland時已經係晚上七點多啦
起初仲諗住如果搭唔到車就返入園內食晚餐
所以走去叫工作人員幫我地蓋手印
但好彩出到去岩岩有架旅遊巴準備開車
而且仲有位比我地上添
最後我地就坐返車返新加坡啦

落車時都接近九點了
再直接去牛車水食晚餐
我地太攰啦，唔想再周圍搵野食
求其入左間川菜店食野
呢間都算幾好味，我地叫到成枱都係呀

(Copyright by Suk Yin)

 

 

 

 

 

食飽諗住睇下有冇手信買啦
不過好多地方都已經閂左門，根係啦差唔多十一點啦
所以只好搭MRT返酒店
由於過左夜晚十一點，Underpass已經關閉，我地唯有上去經商場再返酒店
但因為未行過，搞左一個大頭佛
走黎走去，好好笑
最終都搵到出口
話咁快就已經玩左三日啦，玩多日就要離開LU