大小魔怪遊 - 3個反斗星 @ 星馬遊 Day 1

酒店: Oasia Hotel @ Novena
行程: 閒逛 / Buffet Town Dinner

一切準備就緒，出發!!!!
今次坐9點幾機，7點唔夠出門口
朗朗已經好精神，好似已經知道我地又去玩啦

3位反斗星依家都唔鐘意坐BB車啦
所以我地o既Maclaren已經有段時間無再一齊出動啦
取而代之o既係我地o既新寵兒.......Kidcarry!!!
Hahaaaaa

第二次飛機，朗朗依然無扭計
今次比上一次興奮添

3個多小時o既機程
我同baba睇左套戲，朗朗就玩呢玩路玩足玩到攰訓到落機
星加坡過海關唔算太多人，好快咁去行李帶拎完行李就換返短袖衫入境啦
其實由機場出返去市區有不同o既方法
有direct shuttle bus，又可以租車...等等
但我地揀左最平o既方法....就係搭MRT啦
MRT站係Terminal 2，首先就要搭機場內o既skytrain過去
再跟指示直達

去到MRT站，第一件事就係上繳!!
每人夾錢由會計媽媽負責我地每日駛費
不過因為我地冇散紙係身
所以都嘥左D時間去唱錢同買飛
三個BABA同反斗星就企埋一邊等我地

由機場搭去 EW4 Tanah Merah 再轉到 NS25 City Hall
就可以搭到酒店所在o既車站 NS22 Novena
呢間酒店幾方便
係MRT行出去，唔需要走上地面都可以經underpass直接上到去

Check-in 後hea左一陣
之後咁岩朋友經wts app話我知係Buffet Town食飯幾抵
所以呢晚就決定去食Buffet啦
離開酒店第一件事去對面商場行左陣先
之後原先諗住周圍行多陣先去晚飯地點，點知時間唔早
決定直接去等位

朋友的確好介紹呀，呢度有不同款式o既食物
仲有刺身、即開生蠔等等...
以每人約HKD270/位
真係物超所值呀
最好o既係餐廳裡面仲有個地方比小朋友玩同埋睇電視
一家大細之選呀

Buffet Town: http://www.buffettown.com.sg/index.html
Address: B1-44E Raffles City Shopping Centre

食飽行多陣街就返酒店啦
早D休息迎接黎緊緊密o既行程