其實上星期d帖已經ready
隨時可以去拎啦
無耐世界盃賽事正如火如荼
我同Jerry成日要趕返家睇波
一係就唔夠精神要返家補眠
我又唔敢一個人去拎喎 (重得滯嘛 >0<)
所以搞到今日先去拎
完全冇諗過皇廷係咁好架
除左包印帖之外，仲包埋貼紙同埋回禮利是封架
等我仲一早買晒仲入鬼埋添
唔緊要啦，我諗應該有其他新娘子岩用卦
我訂左25圍，但佢幫我印定27圍用o既帖
total 320張 ^^
已經用2個環保袋入好左
之後我當然又唔放過機會
又問一輪問題先捨得走
最後仲決定自己係出面租主花車 (因為佢地包果架benz係舊款)
好彩佢地都有得refund啫
環保袋又係我愛的紫色喎....呵呵呵
wahahahahahahaha.....有四個梁字
之後Jerry就陪我去影貼紙相
哈哈...唔知有冇人好似我咁，三十歲都就黎到都去影貼紙相
嘩.....家陣d貼紙相機好貴囉
$60影一次呀，可能我太耐冇去影，唔知價啦
不過呢部機好好玩呀
好鐘意我同Jerry對望果張
仲有我地變成紫色果一張.... 
好啦......要比心機啦
入帖.....印帖.....派帖.....大工程要開始啦
60蚊@@...想當年十幾廿蚊就有張啦.....
回覆刪除[版主回覆07/02/2010 10:07:00]係囉, 影果時都有d唔捨得
影婚紗相 pose咁, 哈哈~
回覆刪除[版主回覆07/02/2010 12:49:00]其實家陣d貼紙相機會影好多張, 真係唔識擺咁多pose囉 XD
我都好耐冇影貼紙相啦 紫色果一張好特別呀 話說我同我bf都未影過貼紙相
回覆刪除[版主回覆07/02/2010 12:50:00]我就係見呢部機咁特別先捨得比60蚊去影咋 其他機都係...咩美白...美黑function
o的帖真係幾靚，gdgd~
回覆刪除[版主回覆07/02/2010 12:50:00]係呀, 拎左返黎先覺得佢靚
咁好有埋回禮利事封同貼紙, 服務夠細心!
回覆刪除[版主回覆07/02/2010 12:51:00]係喎, 真係冇諗過連呢d都包埋...的確唔錯呀
唔.. 貼紙相... 想起中學時代.. 同第一次同男友(個時未一起) 出街...
回覆刪除[版主回覆07/02/2010 12:52:00]我家陣成屋都係貼紙相囉......同jerry都影埋一大堆
我又係拎帖先知有回禮利是封.... 尼間酒樓真係唔錯.
回覆刪除因為酒樓送果D有酒樓名架, 我會照用, 而張我地自己買左果D用黎封利是.
[版主回覆07/02/2010 14:29:00]我都有諗呢個問題, 但其他我已經入晒啦...都唔知點好.....換返出黎再入過好似好大工程咁 sigh~~~~~~~~~
吓,真架??皇廷會俾埋利是封ga,等我仲買哂d利是封,仲入哂錢tim..早知唔咁早買定啦...蝕哂
回覆刪除我想問,我好耐無去過新世紀皇廷啦,知唔知會唔會換backdrop架??
[版主回覆07/03/2010 18:55:00]係囉, 拎左先知.........新世紀皇廷係黎緊呢幾個月都唔會再轉backdrop架o勒....你可以睇返我呢篇裡面o既相 新裝後的皇廷
嘩~ 係呀....而家d咭相貼紙相唔知點解咁死貴架.....癲架... 以前5蚊10蚊都影過....但而家係60蚊80蚊我都見過....痴線~
回覆刪除[版主回覆07/03/2010 18:55:00]係囉..... $80 *0* 唔係卦, 影完會飛咩...$60真係極限了
wa........60蚊 之前影$40我都嫌貴ga la
回覆刪除[版主回覆07/04/2010 11:52:00]哈哈...做左人妻後唔知我仲有冇呢d興致去影呢...
咁橋 4 個姓梁既~~~ 好得意呀! 你張帖 q 版畫使唔使加好多錢? 送埋利是封同貼紙真係估佢唔到同真係好好囉
回覆刪除[版主回覆07/05/2010 00:17:00]哈哈...係dad同老爺都姓梁啫 ^^ q版畫我係一早搵人幫我畫架, 皇廷包埋印係帖上, 唔洗加錢 係呀, 估唔到咁細心
4 個姓梁...原來你哋係梁梁聯婚...結婚後..別人可以叫你做 "梁小姐" 或 "梁太" 都可以!!
回覆刪除[版主回覆07/05/2010 00:18:00]係呀~~~ 依家都有人鐘意叫我做梁太.........我話...我仲係梁小姐 XDDDD
我都好鍾意影貼紙相o架,但真係好貴呀....不過間唔中影o下又真係好開心o架~~你張帖有Q版畫好可愛吖
回覆刪除[版主回覆07/05/2010 17:40:00]係呀, 2個人古靈精怪咁擺下POSE...好sweet~~~~~ 呵呵~~我好like呢個q版公仔...其實大部份人會印相, 但我唔想比人掉落垃圾桶, 所以選擇印公仔上去