搞結婚咁耐，未試過覺得有呢一刻咁累架
可能一直未到埋門一腳卦
呢兩日我心情都唔係好好
太詳細我唔講出黎啦
總之我感覺好似好無助
咩都係我搞掂咁
係...你地係戥我開心
但係你地有冇諗過突然令我超出晒預算
你地有咩想要係咪可以一早提出呢，而唔係殺到埋黎
先突然醒起，要呢樣要果樣
比我覺得........你地呢邊先係女家咁.........
唉........唔識講
不過我知唔關99事o既.......算啦
做得到我都會做，錢解決到o既問題就唔係問題
唔開心有第二件事
當初99果邊一早約晒話18/7食飯
過大禮當日我媽咪約好晒d親戚黎湊熱鬧
之後一齊食飯，我咪通知Jerry囉
點知佢一句.........我家可能都要一齊食飯架bor
我話......吓.....我諗住18/7係食埋架bor，咁咪岩岩好囉
一晚女家，一晚男家
佢竟然一句得埋黎.......咁分開食囉........OMG
咩分開食呀....咁你可以同媽咪講聲啫
冇理由我成日就要join你家庭活動，而你就一句"你自己出席"就算
第二日仲同我講，依家有可能唔係18/7食改17/7
What the hell..........你一早講左女家17/7食咁佢地咪唔會改日子囉
我都唔明，叫親佢做o既野都係做得唔好
叫佢同佢媽講聲，又唔識粉飾下用語
搞到我好似好霸道咁
令我唔開心o既仲有好多好多........
之前都冇因為搞婚禮而唔開心架
但.....好似突然所以唔開心o既野都走晒出黎囉
2010年7月10日 星期六
累
訂閱：
張貼留言 (Atom)
有時男仔係咁, 好唔細心, 求求其其,因為佢地唔知會影響咁多人... 而且佢同自己阿媽講野係從來都唔會 粉飾用語架... 好多男仔都係咁, 唔好唔開心啦~ 加油呀!!
回覆刪除[版主回覆07/11/2010 21:15:00]真係好鬼忟架....不過我都知佢係咁架啦, 所以呻下就冇野架o勒
唔好唔開心啦...男仔係咁架啦,踼一踼先識郁一郁,又唔細心...唔好為左依d事傷大家和氣啦...繼續搞好個婚禮啦...
回覆刪除[版主回覆07/12/2010 16:16:00]其實我都冇同佢嘈過呀, 係屈住唔開心咋 就係佢咁唔細心先搞到我唔開心 我嬲左佢2日呀, 佢都唔知我做乜 XDDDDDDDD
男女諗野方式同處事方法確係好唔同，縱使你同佢將會成為終生伴侶，但係某d事上，女仔係要抵得諗.....要沉住氣呀!!你所面對既...其實好多準新娘子都會遇到(包括我 lor)，好明白你唔係想怪"他"，那就盡情係blog中發洩發洩，我地成班 bride to be 同 bloggers 都好願意聽你呻....& 支持你ga
回覆刪除[版主回覆07/12/2010 16:18:00]blog o既好處就係可以比我盡情發洩....又有一班好姊妹們陪住我 其實我寫完呢篇blog之後就下左條氣啦 知佢係咁我嬲都冇用, 不過要再調教下佢 佢真係好鬼惡教架, 話左下次唔好咁佢又唔記得 XDDD 多謝你地呀~~~心情好左好多
Carmen,唔好唔開心啦, 我地仲有好多野要做, d男人就係咁啦, 一齊加油呀~
回覆刪除呻完要開心反呀~︿︿
[版主回覆07/12/2010 16:47:00]THX呀...其實尋晚都冇野架啦 仲要今日好多good news...所以依家超happy~~~~
幣喇.........我個邊既 "兩國高峰會" 仲未開始攪呀.........
回覆刪除不過男人係咁喇~~~ 唔好唔開心啦~~~ 我媽咪都有時會話我成日出席佢地d家庭活動架.........(drink 醋) 不過我結左婚之後都會continue 痴媽咪個邊呀, 始終媽咪煮d野食好味好多....
[版主回覆07/13/2010 00:04:00]我依家唔想嫁...唔想過去佢地度住呀
Carmen, 知你心情開心番, 安慰嘅說話唔再多講.....加油呀!!!!
回覆刪除[版主回覆07/13/2010 00:03:00]唉...又黎啦... 究竟係咪真係我唔岩呢.......... 我男友第一次講: 點解你唔體諒我..... 我只能答佢一句: 點解你又唔體諒返我呢.... 好無奈
或者你哋坐低傾傾, 我同我bf前幾日都傾完, 因為之前我都有d唔開心, 最後發現原來佢都做咗好多嘢, 只係想我自己先處理, 如果我處理唔到佢先執我手尾, 同埋你真係要講比佢知你既感受呀, 加油呀~支持你~
回覆刪除[版主回覆07/13/2010 14:34:00]算啦...我已經唔想再提呢件事...亦廢事招佢家人話柄
我依家淨係想快d到big day, 快快趣搞掂去旅行散心好過
唔好諗咁多喇,而家已經進入直路,勇往直前啦~~仲有我哋一班BLOG友仔支持你O架~~cheer up~~你籌備得咁詳細咁好，big day o個日要好好enjoy呀~~而家呢啲小事唔好記o係心喇~~
回覆刪除[版主回覆07/13/2010 21:37:00]我最好就係唔會記住d唔開心o既野~~~無事lu 哈哈
三個字 "加油啦"^^
回覆刪除[版主回覆07/13/2010 21:37:00]thx ^^
你男友肯講都算啦 我嗰個次次叫佢同屋企講, 哦完之後又唔講 要到我上去佢屋企響佢屋企人面前時突然一句 "你唔係有野要講咩?"
回覆刪除[版主回覆07/15/2010 11:59:00]嘩...我男友有時都出呢招~~~ 雖然我同佢mum好熟啫, 但有時d野, 真係由佢地講適合d囉 激死
尼個時間係2位好好磨練既階段黎.....係咁架啦, 如果事事順利, 或者無咁深刻呢.
回覆刪除[版主回覆07/15/2010 18:18:00]如果事事順利, 或者無咁深刻呢 <<< 哈哈...可能啦 ^^
男人就係咁架啦！"鵝"下佢啦
回覆刪除[版主回覆07/19/2010 10:01:00]好彩佢都醒目, 今次唔洗我出聲 都令我滿意~~自佢啦