我見六月mama會好多mama足32週就開始煲白蓮鬚飲
主要功效係清胎毒
本來媽咪話夠38週先開始飲架
但我話touchwood如果小B早左出黎同大家見面
咪冇清過胎毒囉
講完之後媽咪先話足36週就比我飲啦
點知有人返去食飯
佢話已經準備左比我....haha...
之前聽媽咪講,細妹飲完呢碗野即嘔
我妹話好苦喎
但果日我一飲,第一句即問我妹....你有冇搞錯...呢碗野都叫難飲 一.一
其實媽咪都加左少少冰糖落去
一來潤d,二來又冇咁苦
不過我不嬲都唔怕苦o既...呵呵
我飲果時,姨甥仔仲成日走埋黎要我比佢飲添
以下資料我係網上面搵架,希望大家有用
白蓮鬚糖水 (助產及有助清胎毒)
飲用時間: 臨盆前一個月至十五天前飲用。白蓮鬚屬平性的食物, 無論涼、熱底的人都適合食用。一星期可飲用1至2次。如要清胎毒之效, 孕婦則在懷孕後六個月飲用此糖水才具清胎毒之效, 將近臨盆時飲用效果不大。
功效:
1)固澀 ~ 白蓮鬚乃蓮花的花蕊, 性平味甘, 有固澀(即止血)、補腎,、消熱毒之效, 而雞蛋則有蛋白質, 此糖水確有助防止生產時大量流血的作用。
2)補腎 ~ 由於孕婦需要養胎, 腎氣一定有損耗, 具補腎作用的白蓮鬚能使孕婦生產時有氣力, 生產過程會較順利。
3)解胎毒 ~ 所謂胎毒, 是指孕婦身體內因常吃油炸食物而產生的「血熱」, 令嬰兒出生後易生瘡、奶癬等皮膚病。孕婦在懷孕後六個月飲用此糖水才具清胎毒之效, 將近臨盆時飲用效果不大。
材料:
白蓮鬚 - 3元
雞蛋 - 1-2隻
冰糖 - 適量
水 - 6至7碗
製法:
凍水放入白蓮鬚及雞蛋(連蛋殼), 煲滾後以慢火煲45分鐘, 以冰糖調味即成。
幾時都話媽媽好啦~~原來仲有無幾耐小B就同大家見面喇,哈哈,鄧你開心
回覆刪除[版主回覆05/15/2011 11:44:00]係呀, 有媽咪幫, 我自己做少好多野~~^^
唔該哂,好有用呀!
回覆刪除[版主回覆05/15/2011 11:46:00]^^ 唔洗客氣
媽媽好細心啊... 我copy來留待將來做媽媽個陣用先.... 雖然可能係7/8年後既事...
回覆刪除[版主回覆05/19/2011 23:10:00]好有用架~~^^
我好快都會飲喇.
回覆刪除[版主回覆05/19/2011 23:11:00]haha.....記得煲呀
我奶奶噙日煲咗白蓮 鬚 比我, 唔知點解佢唔用冰糖煮, 佢用咗庶糖, 可能之前佢聽過大嫂話白蓮 鬚 好苦, 驚我飲唔到, 我飲第一啖發覺好似飲緊糖水只有少少甘甘地同埋甜味, 唔知係咪落庶糖關係有唔同呢?
回覆刪除[版主回覆05/21/2011 16:51:00]我初頭都聽到我妹飲到嘔都驚驚地, 點知飲落口又ok喎, 都係甘甘地...可能每人接受程度唔同啫