第一個成為母親的母親節

2011年的母親節，朗朗都係我肚裡面
今年，終於正式過我第一個母親節啦
我約埋公公婆婆、亞妹姨甥同埋朗朗契爺契媽一齊去迪士尼呀
出發前兩日開始落雨
真係令我心情低落呀，但計劃左要去我唔想因為天氣關係有所影響
所以到最後落住雨我地都照樣出門口
祈求入到去好天
估唔到真係比我地望到~~~去到陽光普照
但就好多人，去每個地方都要大排長龍
相信係我去咁多次迪士尼中最多人的一次

估唔到朗朗大個左
反而會驚d卡通人物
佢一見到巴斯光年就喪喊
但又要望實佢喎，怕佢會走埋佢身邊咁
Oscar就最開心啦，因為佢最愛巴斯光年

 

今次仲有得玩最新的Toy Story Land

影到胡迪同翠絲真係開心
天公都算做美架o勒，我地玩到約三點先落雨
我地就匿埋避雨
避雨期間佢地就去睇4D電影
之後成班一齊去小小世界坐下船仔就離開了

相信今次係我去咁多次迪士尼影相同玩得最少的一次

因為人多，落雨
不過都玩得好開心
最重要係我可以係迪士尼渡過我第一個母親節嘛