上星期芯芯完成左係 The Little Gym 嘅課程
芯芯最後一堂同第一堂分別都幾大
我之前都提過，佢唔怕陌生環境
但有d怕導師們，每次都要我係旁邊先敢同導師接觸
依家，佢對住導師無咁緊張啦
而且熟習左環境後，直情大膽左好多
經常會自己走去不同嘅設施探索
之前唔敢行嘅單槓, 依家都敢比我扶住行
另外，扶單槓扮馬騮仔，初時佢直情唔比我地幫佢扶住黎完成
依家雖然做緊時都係驚驚地，但都有完成呀
真係叻左
而且我發現佢真係好鐘意同其他小朋友一齊玩
佢會主動走去小朋友身邊呵下或者摸下小朋友示好
好可愛呀
返Playgroup就係想佢大膽d、主動d、社交好d
依家已經邁向我嘅目標啦
不過，最後幾次我都係單拖自己帶芯芯去
無人幫我影到相
唔係就可以影到芯芯上堂時開心嘅情況啦
我影左少少資料大家可以參考下
沒有留言:
張貼留言