可憐o既朗朗b

早兩星期，朗朗比表哥惹到出水痘
估唔到水痘真係可以潛伏兩星期先發出黎
起初仲諗住表哥仔出完，過左兩星期應該無事啦

11月17日，差不多上完playgroud就喪扭計
我以為佢眼訓啦，點知一抱起發現佢有少少燒
之後抱抱下發現頭仔有幾點粒粒
望真d覺得似係水痘
咁就拿拿聲同佢離開，諗住去睇醫生
但果時已經太晏啦，好多醫生都閂左，唯有等第二日啦
第二日基本上唔洗睇已經可以肯定佢出水痘啦
但點都要睇醫生o既

出水痘要隔離，無得去街無得返學
好彩仲有表哥仔陪下
唔係真係悶死朗朗呀
原來水痘真係細個出好d
可能朗朗唔算出得多啦，又加上轉左天氣著長袖
我見佢都冇R過d水痘
而且佢只係低燒過一陣，冇食藥已經自己退埋
所以唔算出得辛苦

不過禍不單行
呢個百厭小朋友，竟然走去玩電熱水壼 "6"親腳仔..........唉
果日我放工返到去，見到佢包住隻腳仔
立即嚇一嚇，好緊張問婆婆咩事
原來佢襯婆婆行開，走左入廚房"禁"未lock好o既熱水壼
不幸中的大幸係佢唔係直接"6"到腳仔
係d熱水流向腳底"6"親
希望佢受到教訓，唔好再轉搞廚房內o既野啦