瑪嘉烈婦產科產前講座 - 第一堂

由於Jerry好樂意係我生小B當日陪產
因此我早早就留意住點樣申請
係瑪嘉烈生育，想陪產原來好簡單
只要乖乖地去上產前講座
拎到蓋左出席紀錄o既卡就有機會係我生小B時陪我啦
7/1 正正係第一堂課程
當然唔可以錯過啦

(一) 婦女權益，產前生理轉變，產前護理及陪產計劃

7點正岩岩去到
已經好多準baba同準mama坐左係禮堂
我呢個大頭蝦，既然唔記得帶覆診證明黎登記
好彩呢朝黎過拎藥，有張藥單可以做證明咋
登記過後會比返張出席紙我
到時我入左產房，一定要show呢張出席紙先可以比老公入去陪我架
起初講在職孕婦權益
原來我仲有好多野係唔知架
Jerry對呢個topic毫無興趣，所以係度睇漫畫

跟住開始講產前生理心理變化o既topic
我好細心聽架，Jerry都收埋本書陪我聽
其實我覺得兩公婆一齊去聽係有好處架
因為有左之後，有好多不適
佢又未必知道點樣去幫我喎
聽左姑娘講解之後，起碼佢依家都有個概念呀
hahaha...Jerry都算好乖架o勒
我見有好多準baba係度訓覺架 XDDDDDDDDD

最後就係大家都期待想知道o既陪產topic
大概都係介紹返產房情況
同埋陪產過程....etc...

其實姑娘都建議我地上晒七堂o既課程
但真係好難肯定每個week都黎到
所以姑娘都講左邊幾堂係必上o既堂，就係第一、三 & 四
post埋個schedule出黎比大家參考