我又點可能錯過呀
期待左好耐，臨近幾日朗朗仲成日提係口邊添
當日一早，我起身搞掂左自己後，就準備小食
朗朗都有幫手架
去到集合地點，時間岩岩好
仲有小小時間可以同其他家長傾下計就上車啦
朗朗好鐘意我新買o既太陽眼鏡，成日要求我拎比佢戴
旅遊巴上，大家各自坐好
朗朗一直係度觀看街外風景
老師就帶起同大家唱歌同玩問答遊戲
我地都嬴左一份零食呀 ^^
之前已經帶過朗朗黎大棠
大約都知邊度有咩野玩
先去playround玩一陣，跟住就去餵羊
朗朗一如以往，一啲都唔怕羊同埋兔仔
可惜兔仔一早食飽左
餵到埋咀邊都唔食呀 XD
跟住我地就去大草地，參與老師們o既攤位遊戲啦
朗朗呢個小朋友，寧願靜靜坐係地墊食佢親手準備o既士多啤梨
都唔肯去玩遊戲喎 XD
無耐就去食午餐了
之後又再周圍遊走，撈下金魚、影下相、再返大草地玩
見到四圍o既家長同小朋友都玩得好投入
朗朗都好開心，仲要求我搵班主任同老師同佢合照添
總括當日安排算不錯，當然有進步空間做得更好啦
最值得稱讚o既係朗朗全日都冇瀨左vv
呢個係一個大進步呀
回程仲好好精神，一路行返家都唔攰咁
奕朗小朋友果然精力旺盛呀
沒有留言:
張貼留言