之前係不同地區o既公園搞大自然日
但因為預唔岩時候都去唔到
尋日 (17/11)，Playright 就係中環行人專用區舉辦 「智樂遊戲萬歲日2013」
今次我無錯過到呀，仲約埋朋友仔一齊去
活動範圍由畢打街至昃臣道，共26個遊戲將分佈在4區，分別為：
交通區： 百變Magic Car、逼Big巴士、彈彈MTR、山窿隧道、車輪軚軚陣、愛車洗白白
公園區： 石春之路、清潔奇兵、園中傳聲、飄飄落葉、衝天滑梯、好玩沙池、立體棋盤
校園區： 黑板塗鴉、校簿工程、變形操場、文巨層層疊、校園天網、奇幻實驗室
家居區： 枕頭大戰、大床碌、砂煲罌罉Music Band、客廳Play House、浴缸泡泡樂、洗衫小子、人形地拖
1點多去到已經好多人係度排隊啦
首先玩《大床碌》
朗朗係地下攬住個大攬枕碌黎碌去超興奮
跟住就到《客廳Play House》
等候o既期間小朋友都有野玩架，可以塗鴉一番
然後都去旁邊o既《砂煲罌罉Music Band》
平時係屋企又點會比佢搞d砂煲罌罉呀
爸爸講若然朗朗返到家搞搞陣就真係多得今日唔少喎 XD
經過《枕頭大戰》，朗朗已經同我講話想玩
但我地要會合埋朋友先所以skip左
晏左又越來越多人，要慢慢迫返出去
最後係《立體棋盤》集合!!!!!!!!
朗朗見到好朋幾興奮 ^^
等左大概半個鐘先有得玩
立體棋盤，小朋友就係走黎走去o既棋
然後有好多波波比佢地拋來拋去
好過癮
其實每個遊戲玩5分鐘左右
眨下眼就玩完架啦
好彩銘爸爸幫我地排住隊先
咁我地先可以唔需要等太耐就玩到《衝天滑梯》
呢個係朗朗最鐘意的遊戲，佢淨係睇其他人玩都已經笑到格格聲啦
最後，每個遊戲都差唔多要等45分鐘或以上
我地經過返《枕頭大戰》
見大約等45分鐘，加上朗朗又再同我講話想玩
我地就決定等呢個啦
朗朗好期待架
呢個遊戲就好似o禁左小朋友個失控制咁
一玩就癲晒喪晒
朗朗玩到唔肯走
最後唯有抱開佢先著返對鞋
其實每個遊戲都係用好簡單o既用具
我地隨手可以搵到o既野組合而成
無咩特別處理或裝飾
最簡單，但又係最好玩的
小朋友就係要係遊戲中長大
只要分配時間得好，每日都有時間可以玩下放鬆下
咁小朋友就可以有一個快樂童年
依家朗朗細，當然容易安排
希望佢日漸長大我仍然可以做到
「日日讓孩子，遊戲1小時！」
黎緊Playright 好似仲有不同o既活動架
大家可以密切留意住
We went there as well! =)
回覆刪除果日勁多人呀
刪除