就係要搭校巴返學及放學啦
由於呢個懶精經常扭計，又要婆婆抱來抱去
於是唯有比佢搭校巴，減輕婆婆的負擔
搭車前已經同佢提及過，將會有唔同的小朋友陪佢一齊搭車返學
但第一日上校巴，朗朗可能還未意識到校巴目的地係學校
以為婆婆漏低佢係車上
校巴關門時喊了 T___T"
但第二日上車，已經唔再喊了
回家後更同大家講：校巴Yellow黃色、有姨姨、有哥哥、有奕朗
真係好叻仔
學校生活真係好多姿多采
每週都有唔同主題，讓小朋友更喜愛返學、更有自信
華服日
可愛o既小朋友們著上中國傳統服飾
每人各帶不同的生果及燈籠
一起認識中國的節日...中秋節
8月及9月之星生日會暨華服日
一齊為8月及9日出生的同學慶祝
想不到全校同學都有一份禮物
奕朗返到屋企不知幾興奮
漂亮校服Catwalk Show
令小朋友更加喜愛著校服上學的自己
獎勵良好行為
學校鼓勵小朋友在校在家都有良好的行為
朗朗在家雖然有時百厭
玩完玩具要我提先會收拾
但每次見到我做家務，好似抹地 & 掠衫時總會幫忙
家長日
26/10我參加了首次以媽媽身份出席的家長日
好興奮又緊張
係老師口中聽到不同的朗朗
感覺真係好奇妙
原來朗朗係學校好自律，見到其他同學做不適合的事會同老師講再幫忙
好投入上堂，積極問老師問題 :D
等候見老師前，學校仲播放課堂情況比家長睇添
我是清潔好寶寶
鼓勵小朋友在家在校都要養成良好的習慣
打理好自己，時常整潔
完成一星期任務後
每位小朋友都得獲頒獎牌 ^^
沒有留言:
張貼留言