酒店 - Eastin Grand Hotel Sathorn (โรงแรมอีสติน แกรนด์ สาทร)
今次我地一行6人去
誓要玩到盡，食、玩、劈不停
我外遊嘅宗旨一直真係有咁盡玩咁盡
所以我買左早機去，晚機返嘅機票
07:45起飛嘅泰航航機
雖然一早已完成online checkin
但我都預6點左右到達機場，食下早餐再hea下
住青衣，最快入到機場嘅方法就係坐機場快線
15分鐘嘅車程就到達
當時用Visa白金卡，仲可以買一送一添
兩個人坐機鐵都係$60咋，抵到爛
到埗第一件事當然係過關啦
之後就去DTAC Services Hall買Happy Sim Card
我地呢班分秒必爭嘅低頭族
又點可以有一刻上唔到網
買一張卡，再 share wifi 出黎比老公部機用
由於6個人去，所以來回機場我都訂定7人的士
我都係去forum爬文，搵到7人大的士
每程都係THB800，十分方便
去到就見到接我地嘅司機係度等我地
再帶我地去停車場上車
之後當然係去酒店check in啦
酒店位於BTS Surasak (S5)，出出入入都算方便
雖然時間尚早，不過酒店有空房可以提早比我地入住
咁我地放好d行裝就再次出動
第一站當然去近Central World嘅Super Rich 唱錢啦
對於去慣去熟嘅我，當然好易就搵到啦
*只要搭BTS到Chit Lom (E1)，係Central World 的出口經行人天橋到Big C，隔離果條巷仔右轉靠左邊再向前行，就見到橙色招牌的Super Rich
唱完錢就去就近嘅水門食海南雞飯
初初記錯左路，以為無開門白行一轉
原來前一條街先係....haha
有時靠記憶都唔係好可靠
之後又返返去酒店附近嘅 Healthland (Sathorn) 做下 Thai Massage
多人去就有好處，原來有package買會抵好多
原先THB500兩個鐘嘅 Massage
買10張套票，只需要THB4,000，即係每次平左THB100
我地一次已經用左6張啦 XD
第一次係 Healthland 做 Massage
估唔到都幾好喎，環境唔錯，手勢ok
揼完骨就經返原先行程
出發去曼谷"新"夜市 (對於幾年無去嘅我黎講) - Asiatique the Riverfront
搭BTS去到Saphan Taksin (S6)，經2號出口行去碼頭等船
去到都要排左約15分鐘先有船到
到達夜市岩岩入夜
正好可以影下夜景，再行下街，搵野食
求其搵間餐廳就坐低叫野食
有我最愛嘅冬蔭公，同辣野....正
食少少野後再周圍行
買下零食、手信後
我地走左去一間小店度玩"魚醫生"
haha...其實之前都玩過架啦
不過難得黎到有咪又再玩下囉
好多人話怕唔衞生，我地都冇諗咁多 XD
然後，我地就直接係夜市打的返酒店
搵到架7人的士，好方便
仲有，隨時上到網，可以用google map
唔再怕比司機呃我地話好遠路程啦 ^^
沒有留言:
張貼留言