加上婆婆由上年開始，暑假都想同幾個孫仔一齊去玩
所以我地今年暑假又再一家有大有小的返大陸遊玩
大陸短線團，婆婆就最熟悉啦，所以等佢揀
我地主力係hea同埋等小朋友游下水
婆婆揀左返東莞虎門
團體活動不外乎飲飲食食
最多時間係比我地係酒店享用酒店設施
今次住虎門的帝豪花園酒店：http://www.royalgardenhotel.com.cn/
酒店大堂、房間、泳池等等都好整潔
房間都幾大間，朗朗同表哥仔入到去不知幾開心
大堂仲有少少玩意岩佢地玩
佢地玩到唔願走呀
晏晝我地當然爭取時間，到泳池玩啦
由於我只得20W，加上怕內地泳池衞生不佳
所以我都只係o係咁依浸下水咋
由爸爸、爺爺同婆婆帶住兩隻嘩鬼玩到盡
晚餐又唔洗我地走來走去
就留係酒店食Buffet
講真，我從來都唔期待大陸嘅自助餐
但估唔到無期待先有驚喜
雖然唔講得好好味，但整體黎講食物質素不錯
又或者因為係酒店嘅自助餐
不太多外來客人，所以感覺良好得多
食飽係附近行陣就回房間休息
第二天
又到酒店的餐廳食自助早餐
同樣地感覺良好
食飽再去游水
然後預留左個半鐘左右，帶佢兩個去playroom玩
收費每位小童RMB30，時間不限，但離去後就唔可以再進入
玩完就搭車去食晏，然後就完成整個 2D1N 嘅行程
難得返到大陸
老公同婆婆當然唔執輸
去做個按摩先返港啦
雖然我好恨做，但無計啦，再忍耐下
我係大堂同朗朗 & 表哥仔一齊睇電視同玩
係按摩場食埋晚飯就打道回府
期待下年帶埋細妹一齊去玩
Blogspot：http://pandacarmen.blogspot.com/2015/09/2d1n-20w.html
WeShare：http://www.weshare.hk/pandacarmen/articles/4553971
沒有留言:
張貼留言