早前係Facebook認識到 "Readmyname 香港"
知道佢地推出左一套以小朋友做主角嘅故事書，但當時未特別了解內容
咁岩9月佢地搞左個活動 - 「The Power of Name」奇幻魔法派對
免費讓親子參與
你話我又點可以錯過呢個機會啦
好彩我手快，報到名 ^^
當日，我再次帶朗朗去科學園
朗朗對上果次黎好似係去科學展攤位遊戲，但佢好似唔係好記得lu
去到餐廳門口，已經見佢地display左佢地嘅主角出黎
當然就係 Power of Name 啦~
職員仲即場送左一套預先為朗朗準備好嘅 Power of Name 套裝
朗朗見到套裝上有佢嘅名，已經好興奮
坐好後，佢已經急不及待拎出黎睇
然後就開始油顏色，油油油，好勤力
過多陣，就由姐姐開始講故事比大家聽
故事內容當然係 Power of Name
朗朗好留心聽之餘，姐姐問問題佢都有搶答添
然後就到魔術表演時間
朗朗好擁躍，終於比佢做到小助手
魔術師仲一人比左一支魔術棒比小朋友添
就係呢個時候，我仲發現書內其中一個內容
係講主角Edwin家將會有一個新成員來臨，同樣地都係妹妹
真係令我好驚訝，立即同朗朗分享
就係呢一刻，佢已經完完全全覺得呢本書就係佢嘅故事
再睇後面見到Edwin幫助婆婆，佢就話呢個就係佢嘅外婆
仲要我立即講埋其他佢聽
最後拎埋小朋友最愛嘅扭波波同埋食少少野
就完成成個party啦
當日每位小朋友都好投入每個活動
實在安排得好好
原來餐廳外面仲冇充氣設施玩添
如果去開科學園可以考慮帶小朋友黎呢間餐廳啦
夏天嘅話，仲可以帶定泳衣
等小朋友可以玩有嬉水果個充氣設備
如果大家都有興趣為自己嘅小朋友訂造一本專屬嘅故事書
可以去以下網址睇下
Read my Name: http://www.readmyname.com/
大家真係想訂嘅，仲可以pm我拎個20% off嘅code添
沒有留言:
張貼留言