台灣親子單車半環島之旅 - 計劃行程 (1)

我同老公一齊十年啦

去過好多次旅行

但無論長短程嘅旅行

由計劃行程、訂機票、 住宿等等

一定都係由我一手包辦的

因此，未正式挑戰半環島之旅

佢嘅第一個挑戰就係計劃行程

不過依家上網搵資料好方便，又多人分享遊記

只要肯用心去睇就一定做到

先諗好條路線點行，再決定中途要係咩地方落腳 

不過又要考慮嘅

朗朗都4歲幾，如果整個行程只係爸爸踩單車

佢做乘客的話

感覺只係爸爸係度挑戰自己，怕會悶親個仔

我都建議老公係行程中途加插不同嘅活動

令到旅程更加豐富

老公由決定起行果日開始

就不停睇遊記，親子遊記又有，環島單車遊記又有

最終定左以下嘅路線

半環島單車之旅路線

台北 (火車) > 花蓮 (單車) > 台東 (單車) > 墾丁 (單車) > 高雄 (高鐵) > 台北

用Google Map一search，如果自駕的話

佢嘅單車路線大約338公里

Google map路線圖 - 花蓮 > 高雄 

可以到此連結重溫所有文章分享 >>> 2016 兩父子單車環半台之遊