Honeymoon 遊記 - Day 12 - Manchester / Sunderland

Day 12 - Manchester / Sunderland
住宿: The Pullman Lodge
景點:  Manchester United FC Megastore / Sunderland City

係咪有d奇怪點解我地尋日好似無行MU o既Megastore呢
原因係我地不幸遇到盤點日
Megastore早早關門
所以我地唯有轉plan
呢日一早起身食早餐，然後拖埋喼去掃貨

早餐一早為我地準備好啦
雪櫃內外o既我地都可以食，如果想食英式早餐
可以叫屋主煮
但我地又冇咁o既需要，所以我地係房間內完成我地o既早餐

臨走時屋主Steve幫我地係靚靚小屋前影返張相
大家睇下我同我老公o既分別~~~
我就著到厚一厚，佢就好似夏天look咁........傻架佢

沿途已經落緊微微雨
只有希望唔好再落大d啦
去到Megastore都仲未開門
而且再遇到尋日摸門釘o既香港團團友添
等左5分鐘左右就可以入去
立即周圍搜索
好快我地就揀左幾樣野
但比我地想像中無咁多選擇呀
最後total買左2件波衫 + 1份小朋友餐具 + 1盒大富翁咋

呢度d保安好鬼衰，見到我地拖住喼
係咁"目及"實我地
我放一放低睇下野，就同我講我唔準放低
但我咁大個喼，我又點可能一隻手拉住，一隻手睇野
唯有扮唔識聽英文，繼續睇野同影相
由於成日比人監視
搞到老公都冇乜興緻，係度逗留左唔夠半個鐘就走了

根住出到去發現落緊傾盆大雨
真係想暈 @@
好彩比我地見到的士
都唔理得貴唔貴架，上的士最實際
車程約5分鐘就到輕鐵站，所以都唔算好貴
印象中好似幾十蚊港紙埋單啦
但英國o既的士好寬敞架
我地可以將兩個喼拎埋想車箱內
咁就獻出左我地o既第一次o勒...haha

之後係車站買少少野食

就出發去英國o既東北部城市，新特蘭 Sunderland
我地搭Transpennine Express 及 Northern Rail過去
車程約3個鐘，真係無諗過第一次去英國就去d咁偏遠o既地方呀
突然覺得自己好利害

雨一直無停過，去到新特蘭就打電話去酒店
問下搭咩巴士可以去到
問完後又要搵巴士搭
落住雨真係超級唔方便
最後都安全到達，酒店係海邊架
下雨天的海，真係非常大浪

呢間酒店好似人地d渡假屋咁
一間房即係一間屋，裡面仲好大添
不過我完全忘記影相囉
換過衫後就出返去市區行街

行到五點半左右，竟然發現d商舖開始關門 @@
oh my god~~~我地真係唔知去邊度好
開始驚驚地，唔知有冇食肆會開門呢?!?!?!?
好彩手機可以隨時上網
立即search下附近有咩好食
有電話真係好方便，仲可以search埋地圖方便我地去搵
行左10分鐘就去到間餐廳
間餐廳環境好靚呀
我地每人叫左個main course + 飲品
超級好味呀，我地仲食唔晒添囉

大家如果有機會去新特蘭，我極力推薦你地去呢間餐廳呀

食飽飯都係8點左右之嘛
夜欄人靜，條街靜到我地大叫都冇人理我地呀

搭巴士返酒店
無落雨咪係度影下相囉
先留意到酒店旁有兩列火車車箱
酒店將火車車箱改裝為餐廳呀，好有特色

去歐洲咁多日，呢日係最早返到酒店休息o既
係房間內上網睇呢睇路
傾下計，睇下電視
兩個人on居居咁係度過左差唔多3個鐘先捨得訓
好啦~~下一日就係戲肉啦