今日係Jerry第一次陪我去診所覆診
專登約下午5點呢d差唔多放工o既時候
唔洗咁嘥我時間嘛
叫Jerry幫我登記先，唔洗我去到再等一大餐嘛
等候期間出現左一個小插曲
坐係Jerry隔離果位準媽媽
放左堆麥記係度慢慢食
Jerry坐坐下突然彈起身...大叫....頂
我咪睇下咩事囉
原來果位女士放係櫈上果杯熱朱古力倒瀉左
搞到Jerry一褲都係....佢果日仲著左件白色褸
件褸係日本買架，香港都買唔到
咁Jerry都係呻左一句: 嘩，洗唔洗得甩架
果位女士竟然好寸咁講句: 咁你想點呀
嘩...有冇搞錯，對唔住又唔講聲，又冇幫過手，紙巾都無遞過一張過黎
都算o勒，但唔係講句咁o既野囉
激死!!!!!!!! 係人地地方倒瀉野又唔通知姑娘黎抹喎
都係我去叫人抹咋，搞到人地周圍都係朱古力
如果唔係o係診所，見佢都係大肚婆，真係想鬧佢
算，唔同呢d人一般見識
見小B最重要
無耐有得見醫生啦
同醫生講返OSCAR個result，醫生都讚好
之後就去照超聲波 (最開心o既時刻呀)
haha.....Jerry好留心咁聽醫生講解
小B大個左好多，已經有9.9cm長 (無計腳仔)
醫生不停咁周圍照
我見到小B o既手仔同腳仔，手指腳指都齊全啦
又好清楚咁見到小B o既脊骨同鎖骨
然後醫生正想睇睇小B性別
我立即stop佢，話佢知未想知道住
照完後就傾多兩句，約埋照結構o既日子就走lu
今次醫生開埋多種維他命比我食
小B你就乖乖地吸引多D啦
haha...出左醫生房，Jerry突然話又好想知小B性別
我話不如入返去問囉
佢話醫生咁講應該睇得出啦，搞到佢心思思
呵呵，我下次照結構就會問醫生
但都唔會透露比佢聽呀，邊個叫佢一開始話想出世先揭曉喎
佢話會吼住我，睇下我買D咩比小B
到時都會知....hahaha....睇黎佢真係忍唔到啦
比大家睇下小B最新o既相啦
黎緊8星期要食o既維他命, 鈣片同埋葉酸
2010年12月28日 星期二
12月28日 (16w3d)
訂閱：
張貼留言 (Atom)
呢個 Jerry呀,之前又巴巴閉話唔想知, 一於唔好比佢知住傘...吊下佢癮都好...呵呵~
回覆刪除[版主回覆01/01/2011 18:55:00]haha...佢如果真係想知, 我又想吊佢癮lu..haha
HA... JERRY... 咁想知道.. 你遲 d 話佢知道.. 等佢成日心思思... 叫佢多 d 陪係買野.. 之後順手唔該埋單呀
回覆刪除其實.. 仔女都係你地既心肝寶貝
[版主回覆01/01/2011 18:56:00]hahaha...其實都係等多半年都開估啦, 等佢心思思 無錯, 仔女我地都會好錫佢架
好神奇呀~BB咁大架啦...真係快呀~
回覆刪除[版主回覆01/01/2011 18:56:00]嗯..好奇妙呀, 每次見佢都大個左...好想快d見到佢
做咩要食藥既?
回覆刪除睇人舵bb真係快.
希望可以第時同呢個小baby見面
[版主回覆01/01/2011 23:13:00]haha, 我寫得唔好, 其實都係要黎補充營養o既藥丸 小b仲有大半年就同各位姐姐見面啦
點解D藥會咁大粒既???
回覆刪除[版主回覆01/01/2011 23:13:00]多種維他命係比較大粒架 >.<
wa~~~ why eat some many medicine ar???
回覆刪除[版主回覆01/01/2011 23:14:00]其實都係營養補充藥丸
HAHA....吊佢引都唔錯喎....我都未知BB性別呀!!!諗住17週BOOK醫生照呀!!!你的維他命係咪Materna (Wyeth)，因為我覺得好似我食個隻呀....但我個醫生話只係食呢一隻就ok...所以唔洗食咁多...^^
回覆刪除[版主回覆01/03/2011 12:15:00]我21/1去照結構應該都照到性別架O勒, 到時淨係唔講佢知...XDD
其實我唔知咩牌子架, 佢比咩我咪食咩囉, 分別係多種維他命, 鈣片同葉酸
呢個就係我小姨生b ar~~哈哈!!好期待呀~~快d吸收多d肥肥白白咁出黎見表姨呀~~
回覆刪除[版主回覆01/03/2011 12:16:00]希望淨係小B吸收晒D營養啦, 我就唔好o勒, 有排我減呀
睇得好清楚喇. 係呢, 點解要食咁多丸既...係米平時既飲食吸收得唔夠?
回覆刪除[版主回覆01/03/2011 12:29:00]其實平時吸收o既一定未足夠架, 食左補充藥丸就無有怕嘛
我身邊啲親戚朋友一個個咁大肚,睇住佢地既超聲波相真係好得意咔,見佢地啲bb一次又唔同一次! 我諗你老公都係忍唔住想知性別咔喇,哈哈,早啲知都好既,可以買定鍾意既衫仔同物品!
回覆刪除[版主回覆01/03/2011 12:30:00]係啦, 我想online買定d衫仔呀, 有人介紹nissen訂bb野唔錯架
hello BB~~ 你好呀~~~
回覆刪除[版主回覆01/03/2011 12:59:00]我代bb同你say hello ^^
hehe, 好清楚咁睇到阿b 個條背脊骨。
回覆刪除記得定時定候食營養丸啊~~~ 加油!
[版主回覆01/05/2011 14:18:00]係呀...小b一路一路咁長大...好開心
嘩~原來有bb要食咁多維他命... 我最怕吞丸! 快d知可以買定d男/女0既靚衫仔嘛! d中性色同款無咁靚同特別~
回覆刪除[版主回覆01/05/2011 14:19:00]係呀, 補充多d營養比小b嘛~~ 21/1就可以知架o勒...到時可以online shopping啦
wow...記得我嗎.好耐之前入過來問有關mts既野. 而家再來, 就有佐阿B了...超幸福!~ 希望阿B健健康康啦...
回覆刪除[版主回覆02/15/2011 11:06:00]你好呀~~~^^ 多謝你o既祝福呀