今次o既活動係由童莊工作室 KKL Workshop 幫我地統籌
咁籌委o既工作就輕鬆好多啦
亦因為無乜野搞，都無理由可以優先報名架嘛 XD
所以好公平咁，一樣同其他會員同一時間報名
我負責出報名post，另一邊又要報名
搞到我鬼死咁緊張
第一次包BBQ場搞活動
六十幾個小兔BB加百幾人一齊燒野食
其實都幾勁...hehe
地點係荃灣大帽山上的川龍開心坊
當日童莊除左安排旅遊巴送我地上去
仲幫我地準備埋大會攝影同拍攝....正 = =v
開爐前
所有小兔都係空地度周圍跑，周圍玩
除左BBQ同埋大空地外，仲有得租供單車、電動車等等
各位小兔都玩得好開心
電動兔仔都係$20 (10分鐘)，好抵玩
因為我係錦田玩過，$50得一個圈架嘛
食物方面都唔錯
感覺比我去小欖果d大型BBQ場乾淨企理
飲品好夠凍，正
當日最好笑o既係場外成日有隻牛係度徘徊
有一下走左內黎
朗朗離遠見到已經被嚇到喊，真係細膽仔
另外又有d叔叔嬸嬸擺檔賣麵粉公仔同埋竹蜻蜓
朗朗都有幫襯買返隻熊貓返屋企
最後仲有抽獎環節添
我呢個無乜抽獎運o既，當然抽唔到啦.....XD
大合照就睇到我地當日有幾多人啦
有D人已經提早走左 :P
日後希望可以搞多D郊外O既親子活動啦
大人小朋友都會鐘意
問朗朗玩得開心嗎？
朗：好開心 ^^
當日影左好多相架，部份相仲可以係KKL Workshop度睇到添
BBQ相簿
沒有留言:
張貼留言