兩年嘅賽事都揀左係迪士尼樂園度假區舉行
慈善跑目的
是向公眾宣揚健康運動的訊息，透過撥捐全數參加者報名費用予「香港盲人體育總會」，支持香港盲人體育發展及幫助視障朋友融入社會，積極面向人生。令有需要的受惠者得到支持與關懷，從而建立無障礙社會，宣揚仁愛精神。
今年我再次同其他家庭加入 SofTouch 隊伍參賽
係賽事前一星期，我同爸爸就到指定地點領取跑手包
包括比賽用Tee、號碼布同埋存放行李用嘅袋
今次Tee仲改用透氣較好嘅物料造
比之前嘅棉質Tee更好著
而且用左好搶眼嘅綠色添
同上次一樣，我地大約07:30已經到達會場
存放好行李後就行去起步點
但今年個起步點同上次有唔同
都用左唔少時間行過去
所以比正式開跑遲左少少先起步
一起步，朗朗好似上足電咁，飛快咁跑
一路跑一路好開心咁笑
但大約去到0.5km左右啦
佢就同我講好攰，想我抱
我用左好多方法氹佢都搞唔掂
尤有抱住佢行啦
中途見到朋友仔們
朗朗又肯落地跑一段
如是者，行下、跑下、抱下
先可能完成3公里賽事
我記得上年有水站架
但唔知點解今年無 =口=
早知我就拎定支水比朗朗飲啦
要去到終點站再向前行先有得拎水補充下水份
同上年一樣，SofTouch 隊伍影大合照
並由倩揚媽媽頒發 SofTouch i為小朋友準備嘅證書
haha...今年完成嘅時間竟然比上年仲要慢
實在比朗朗激死...... XD
返到去集合點
我地就排隊影下相留念
再去會場攝影比賽攤位欣賞一下視障人士嘅作品後
就離開會場
希望每年都可以參與百仁基金嘅慈善跑
下年再跑我地要加油啦！
ource: http://timable.com/zh-hk/event/317399 | Copyright © Timable
沒有留言:
張貼留言