4月尾知道自己有左6週
立即睇私家醫生confirm,再去醫院登記
唔知係咪早知道,加上今次陀b無上次陀得咁輕鬆
硬係覺得時間好過得好慢咁
加上,有第一胎經驗
知道其實好多野未check都有變數
所以今次我唔係一夠三個月就公佈於世
而且今胎仲有好多野唔同
例如,上胎我勁爆瘡,但今次無
但....上次除左爆瘡外,就任何不適都無
食得、訓得、玩得
今次,我嘔得好利害
所以亦令我個人好懶散,連寫blog做返個紀錄就無能為力咁
拖至5個半月,我決定要好好咁寫返我個懷孕記史
由於我嘔到4個月
所以頭幾個月,我都無乜點重到
胃口亦麻麻,一到夜晚就唔多想食野
好彩唔再嘔後,雖然胃口都係差唔多
但起碼體重開始有慢慢上升跡象
而我有左細b,最最最開心嘅就係我個寶貝仔朗朗
佢恨左有細佬妹好耐
由我個肚仲係平開始,佢已經每日都要同肚入面嘅細b傾計
又要每日鍚佢一啖
我見到呢個情況,直情覺得我同老公的決定無錯
係時候為朗朗添一個伴
我會慢慢寫返呢幾個月嘅野~~~
沒有留言:
張貼留言