Made in Hong Kong - 紙糊熊貓工作坊

諗都諗唔到，比我報到名去PMQ體驗一下整熊貓
仲可以同埋朋友一齊去玩
我揀左星期一放工後時間去
我放6點，再由金鐘過PMQ
時間都係岩岩好咋

工作坊係PMQ 2/F舉行
就係下面呢個位置啦

我地大約18:40入到去，工作坊已經開始左
導師已經教大家第一步點做嘞
我地立即去登記拎返一個熊貓模再搵個位坐好
熊貓底模係一個已造好型嘅陶土 (其實我自己估係咋 XD)

然後就開始撕舊報紙啦

撕夠份量就開始將報紙痴上個模上面
聽落好簡單嘅步驟
但做落就知唔容易
因為唔可以有空隙，痴到去細微位同轉彎位就知到唔可以馬虎處理
導師話，正常應該痴四層報紙再脫模
但由於時間關係，我地今次係無須要脫模的

痴好後就要吹乾
再上白油待乾......
最後步驟就係將北極熊變熊貓啦
加上黑色油
咁就完成左獨一無二，由熊貓車Carmen手造的紙糊熊貓啦！
大家覺得佢型嗎 ^_____^

 

所有工作坊完成的熊貓
將會係中環展覽，完成展覽後
就可以跟我返屋企啦
我會留意住幾時開始展覽
到時希望有時間去展覽會探一探我嘅熊貓BB