大小魔怪遊記前言 - 朗朗與我們的第一次旅行

第一次三人出發外遊，以後我的搞怪遊記就變成大小魔怪遊記啦
年頭Jerry突然話，不如四月頭同朗朗去旅行囉
我開心到不得了，旅行一直係我的動力，儲錢就係想去旅行
而且我由前年開始儲mileages，終於有用武之地啦

換機票期間我搞出個大笑話
原來自己一心去台灣，但同Jerry講開未去過沙巴
然後訂訂訂，去到最後仲send個itinerary比佢睇
但....佢又點會留意到目的地唔係沙巴呢 (因為itinerary內目的地都係簡寫)
直到我係facebook 話復活節帶朗朗去台灣
Jerry先知自己會去邊，佢完全摸不著頭腦
諗返真係好好笑，好彩我check左沙巴都無位咋

帶bb去旅行真係要準備好多野
好彩去的時間朗朗已經足十個月，開始食粥仔飯仔
最方便就係帶baby food啦
仲有好多好多野要買......

朗朗部份行裝

旅行前，當然唔少得我的詳盡計劃啦
識我的朋友都知我每次自由行
就一定要寫計劃書 XDDDDDDDDDDDD
寫清寫楚每一日的行程、所有目的地可以用咩方法去等等
但今次的台灣行PLAN
都算係最hea架o勒
一來，懶............如果朗朗係家，跟本唔想坐係電腦前
二來，去台灣根本就應該hea
但當然我冇hea到乜都唔做啦，其實都做左不少research架，只係唔需要寫得咁仔細咁解啫

仲有呀，提提大家
原來去台灣，你訂好機票同埋拎好台証後
係可以去以下地點換領紀念品架

台灣觀光協會(香港辦事處)香港上環德輔道中 173 號南豐大廈 904 室

(即先施百貨公司樓上/MTR上環站E3出口)

辦公時間：9:00 至 17:00，星期六、日及公眾假期休息　

Tel：2581 0933
Email: ttbtva@netvigator.com

好啦，跟住落黎就開始我們仨的旅程啦!!!!!!!!!!!!!!!!!!!!!!!!!!!!!!!!