Day 2
行程 - 酒店 > 日清拉麵博物館 > 大阪城 > 三井 Outlet Park > 道頓堀及難波 > 酒店
早餐 - 酒店附近 (松屋牛肉飯) 午餐 - Outlet Park (手打烏冬)
晚餐 - 道頓堀 (網燒烤肉)
因為第一日太早機啦，又玩得夜
所以第二日唔算好早起身，十點鐘左右先出門口
係酒店附近o既『松屋』食牛肉飯後就出發去池田o既『日清拉麵博物館』
其實第一時plan去大阪時冇諗過去呢個博物館架
但係HK Discuss見好多人都有講呢個博物館，見到都幾有特色
所以最後都決定去
係呢度除左影左好多相之外，我地仲一人整左個杯麵做紀念添 (300yen / 個)
咁樣就消磨左我地一個早上了
好...出發去『大阪城』
周遊卡已經包左『西之丸庭園』同埋『天守閣』o既入場費用架o勒
另外亦都包埋搭小火車
所以我地一於用盡佢 :p
『西之丸庭園』裡面其實冇乜特別，我諗可能係冬天啦
附近d樹都禿晒，但比我地發現左兩隻好似水瀨o既動物，好得意
行左一陣之後就向『天守閣』前進
『天守閣』裡面擺放左好多古代o既野，類似一個博物館啦
大家有興趣仲可以比錢去扮下古代武士添
um....終於行完『天守閣』了，跟住我地就以小火車代步
離開呢個大阪城公園o勒
跟住去到門南真o既『三井Outlet Park』先至食晏
果時都已經晏晝5點幾了，食左手打烏冬同埋蕎麥麵....好味 ^^v
但收穫唔係太多，得我男朋友買左一件adidas o既外套
我乜都買唔到囉 :p
逗留左大概兩個鐘左右，我地又去返道頓堀搵食 + 行街lu
搵左一陣，終於搵到道頓堀o既地標
固力果大型招牌 XDDDDDDDDDDDDDDDDD
然後又搵到『激安之殿堂』，入去買下平野 ^^
之後我地隨便入左一間燒肉店裡面食晚餐
估唔到都咁好味喎，我地四個人總共叫左3個餐一齊Share黎食
埋單都係8000yen左右咋，都算抵食啦
唔經唔覺，我地都食到夜晚11點o勒
又到左返歸o既時候lu
今日行程好豐富，我地影左勁多相
好開心 ^^
沒有留言:
張貼留言