Day 3
行程 - 酒店 > 嵐山 > 清水寺 > 河原町 > 衹園 > 酒店
早餐 - 酒店附近 (吉野家牛肉飯) 午餐 - 京都拉麵小路 (拉麵)
晚餐 - 衹園 (蟹遊亭 - 蟹宴)
因為之前睇天氣預報
知道京都呢一日都會幾凍，所以我都全套裝備
一於有幾多著幾多 
酒店附近朝早真係冇乜特別野好食
因為Day 2既然試左『松屋』
所以呢日我地就去左食『吉野家』o勒
但我本人就認為『松屋』比較好食
順帶一提
我地呢幾日住o既酒店，雖然唔係近梅田 / 難波呢d旺區
但交通幾方便喎，附近除左有大阪市營"御堂筋線"地鐵站外
仲有個阪急電鐵站
第二日我去池田都係搭阪急電鐵去架 ^^
今日我地又再搭阪急電鐵，由南方站向嵐山站進發
吸取左兩日搭地鐵同電車o既經驗
知道好多車都有分[普通] 或 [急行] 架
所以我地專登等架[急行]車黎搭，可以慳多少少時間嘛 :)
去到桂，準備轉車去嵐山時
已經開始落雪啦，好開心
但去到嵐山，雪就停左lu...唔緊要啦, 繼續行...
我地由嵐山站沿路開始行，經過渡月橋、大街小徑等
途中， 又開始落雪啦，仲愈落愈大添....
嵐山沿路o既風景真係好靚，再加上落雪，真係靚上加靚呀
可惜就咁影相係影唔到落緊雪呢
行左大概15分鐘左右，就去到天龍寺o勒
但係我地冇入到去佢地個庭園裡面參觀
之後就行返去JR嵯峨嵐山站，搭JR去返京都站o勒
因為午餐時間又到啦~~~~~
午餐就去左旅遊書同forum都有人介紹過o既『京都拉麵小路』度食
因為京都風味同札幌風味店都大排長龍
最後我地是旦入左一間食咋
其實佢係咩風味，我都唔係好知 XDDDDDDDDD
沒有留言:
張貼留言