就係酒店本身有碼頭出島
唔洗我地一大班人山長水遠去公眾碼頭搭船嘛
當然價錢會比較貴，但我以方便為原則
食完早餐就行去酒店碼頭買船飛
三隻小魔怪已急不及待啦
來回船票成人每位RM50，3歲以上小童每位RM30
搞掂就去另一個櫃枱借毛巾
影下相就出發
我地12個人可以自己坐一隻船...so good!!
船都幾闊落舒適
大約10-15分鐘左右就到目的地
東姑阿都拉曼海洋國家公園 (Tunku Abdul Rahman Park Islands) 的其中一個小島 - 沙比島 (Palau Sapi)
入島要另外比碼頭建設費，成人各RM10，小朋友各RM6
呢度嘅水好清，沙未算好幼
行出少少有珊瑚同埋石，所以都要小心行
但真係有好多魚游黎游去
好淺水已經有勁多
近碼頭果邊仲誇
可惜朗朗未試過同魚一齊共處，有啲驚 XD
酒店安排左個Guide Danny跟住我地
佢除左幫我地搵地方安頓好d行裝
仲可以幫我地安排玩不同嘅水上活動
公公婆婆揀左玩水底漫步
我地幾個就玩拖傘，盛惠兩位RM180
玩完後就去食少少野醫肚
島上可以選擇自助BBQ或者去小賣部買野食
我地就去小賣部買炒飯同埋公仔面醫肚
食飽再玩過
朗朗同表哥係海邊玩沙玩水已經好開心
玩到爭啲連野都話唔食
但一食就食唔停，當然啦，咁大運動量喎
食飽後我同老公就去左浮潛睇珊瑚同埋魚
玩完都已經差唔多3點啦
開始帶朗朗去沖身，執下野
準備4點走人
朗朗玩飽沖完身無耐就訓左啦
真係識爭取時間
係碼頭等左5分鐘左右就有船啦
15分鐘返到酒店碼頭
還晒毛巾就返房沖涼休息
小朋友好簡單
就咁係張床同佢玩下掉枕頭已經笑到癲
然後，我地又點會錯過沙巴嘅日落呢
差唔多時候我地又出動啦
去到酒店嘅沙灘
等待夕陽
可能天色一般，所以見到嘅日落應該未算係最靚
睇完日落就去食晚飯啦
再經酒店call的士出去市區
今次去旅遊書同唔少Blogger有去過嘅海皇城食海鮮
海皇城自成一角
海鮮都係餐廳入面嘅魚池
全部都標晒價，同之前一晚嘅華興一樣
最後我地都食左 6個海鮮
當然唔少得奶油虎蝦啦
呢度嘅奶油蝦味道比華興正
終於食到大家講要再三回味嘅奶油蝦啦
食完就行去頭先經過嘅榴槤店度
老公姑仔就食榴槤
我地就食生果冰條
最後又行返去Central Point搭Shutlle bus返酒店
沒有留言:
張貼留言