見近期冇咩野好搞
不如入下利是啦
咁我就用左兩晚時間 (當然唔係不停咁入啦)
入左大部份o既利是啦
但我發現我o既利是封唔夠喎
哈哈...睇黎我又要搵日去筍崗掃下貨
再唔係...少少到係金都買鬼左佢好過
好o勒,入利是o既期間
就係度諗利是分配o既問題
由於自己都做過幾次姊妹
都叫有少少概念要封比咩人o既
但我又怕派漏喎
所以決定寫呢篇blog,講下利是分配
有錯漏的話,麻煩各位靚仔靚女更正我
回禮利是: $10 (約250封)
雙方父母派利是
所有兄弟姊妹及工作人員: $20*2 (20人*2)
兄弟姊妹 (新郎派比兄弟 & 新娘派比姊妹)
伴娘及姊妹: TBC (2人)
兄弟: TBC (7人)
借車兄弟; $50*2 (2人)
開門利是: $1,999-2,388 (TBC)
工作人員
攝影師 $50*2 (3人)
MUA: $50*2 (1人)
司機: $50 (1人)
酒樓
侍應: $10*2 (30人)
厨房: 是否需要?
經理: $50*2 (約3-4人)
散席後貼士: $800-$1000
碗筷回禮: $50*2
另外,我係搵資料o既時候睇到《美心嫁囍專家》的Q&A
post部份我覺得岩用o既Q&A比大家做參考~~
1. 過大禮駛唔駛我阿爸阿媽(即係老爺奶奶)拎d禮上女家?
2. 在過大禮的利是封上係咪需要寫上下款ga?
3. 過大禮果籃有冇話要幾多款生果?
4. 我同男友響過大禮當日係咪唔見面?
5. 我想問上頭時係咪一定要點著對龍鳳燭?如果我在酒店上頭,可以唔點龍鳳燭嗎?
6. 請問敬茶給長輩最好用乜茶呢?
7. 專家我想問, 婚禮果日派利是畀兄弟姐妹同工作人員, 係要派1封定2封呢?
1. 散席後貼士: $800-$1000 <- 我想問....呢個係total比cash定係credit card裡面加埋呀? 2. 碗筷回禮: $50*2 <- 咩叫碗筷回禮? 比邊個架?
回覆刪除3. um...我覺得厨房真係唔駛比, 因為我地真係唔會見到個厨師, 我估個大厨都唔會出黎見面.
[版主回覆05/27/2010 10:00:00]埋單時 (一般會比2個利是封你, 一個入tips, 一個入"碗筷錢") tips - 睇下你自己覺得值幾多, 無話一定的數目. 但d經理覺得唔夠時, 會叫你添d, 但記住記住你係絕對可以唔添的. 我見d人大約都係比$50圍, 舉例....擺20圍, 每圍$50, 即係入$1,000. 碗筷錢 - 經埋係埋單後會"代表"酒樓職員"送"盒碗筷給一對新人, 新人當然要"回禮",其實即係搵多樣野屈利是,但其實冇人規定比幾多,所以我諗住比2封$50搞掂.
碗筷回禮: $50*2 <- 咩叫碗筷回禮? 比邊個架? →呢個我都想知
回覆刪除[版主回覆05/27/2010 10:01:00]我覆左包包面啦, 你睇下明唔明
你唔係話要留返世界盃期間先入利是咩??? 而且入咗, 到世界盃個陣咪無咩手藝囉 ???
回覆刪除[版主回覆05/27/2010 09:54:00]唔係我話架 XD 不過睇世盃期間, 我諗我冇心機入利是喎
係喎, 睇完你個BLOG先醒起個Budget plan中漏左回禮利是的$唷!多謝提點!
回覆刪除[版主回覆05/27/2010 09:53:00]哈哈~~我都怕到時派漏呀
我諗派幾封比兄弟姐妹哩d 無所謂的,視乎自己心意~~
回覆刪除[版主回覆05/27/2010 14:44:00]唔知呀, 我怕做得唔好大家個心有條刺就冇謂啦
利是唔係欠好多又唔上開深圳既話, 你可以去網上fdwedding 度買. 相對平過金都架.
回覆刪除[版主回覆05/27/2010 15:15:00]多謝你o既資料...我都諗緊好唔好上去買, 因為我7月點都會返深圳, 諗緊好唔好又專程過一過去買埋d "立雜" 野囉 but 我都會去fdwedding睇下
少少意見.
回覆刪除點解mua會派$100, 攝影師派$50既? 仲有看更都要派埋架. 廚房更係要派埋啦. 至少跟經理既金額會好d.
[版主回覆05/27/2010 15:18:00]哈哈....可能我打得唔好, 其實mua同攝影師都係$50, 每人派2封 ^^, 所以應該每位都係$100 看更果d...見到就派?? 幾時派呢?? 因為我出門果時應該唔得閒派喎~~~係咪我老公黎到我家樓下就派?? 但派廚房的話, 應該派幾多? only派比大廚? 叫經理/部長拎比佢嘛?
噢...全部利是都要x2呀??唔可以一封攪掂的嗎!? 因為x2要入多好多封利是的呢!?!?!
回覆刪除[版主回覆05/27/2010 15:43:00]好事成雙嘛, 大婚係喜事, 一定要打孖上 XD
係我睇錯左....哈哈.... 看更係你老公上黎你屋企前, o係樓下派既.... 事實上派利是既任務一定係你老公派, 因為你到時根本冇袋去做呢d野. 同埋可以派一封都得. 當然你覺得 x 2都冇問題....哈哈~ 如果係擺酒樓, 廚房都同樣重要. 如果可以既話就派$50-100. 等佢地煮得落力d都好. 其實好多酒樓如果做得好呢. 派俾一個經理, 佢地會分派出去架呀. 唔記得你擺邊間酒樓添....
回覆刪除[版主回覆05/27/2010 17:22:00]哈哈...你講完之後, 我改返好之嘛~~ 廚房我係派一位還是派晒咁多? 唔知廚房有幾多人呢 @@ 我係新世紀皇廷擺酒啦~~
如果o係深圳附近都可以行下補充下既, 如果你本身好多親戚既話, 都要唸定埋紙柸夠唔夠....
回覆刪除[版主回覆05/27/2010 17:24:00]其實我同老公都多親戚架, 不過我D紙杯係諗住係酒樓用咋~~係家敬茶果D全部用返我套靚靚杯~~ 真係多謝你提點我咁多呀
有咁多個就派咁多個. 你可以早一個星期前打電話問你傾開既人問以作準備.
回覆刪除敬茶方面, 用你既靚靚柸主要係for 四大長老. 你要唸下, 如果其他親d既親戚都要用靚靚柸既話, 你每飲完都要洗一洗先可以俾下一個親戚飲, 相對浪費好多時間. 呢樣野你都要唸埋
[版主回覆05/28/2010 09:57:00]敬茶呢方面我有經驗呀~~因為細妹嫁果時, 我都係教伴娘拎定2個盤出黎, 一個放熱水, 一個吉盤.......敬完每對親戚之後通常都會影相....咁係影相期間, 就要麻煩伴娘快速洗一洗對杯 XDDDDDDD
哈哈, 真係要快速先得......因為我見過一次佢地快極都好慢, 最後拖左唔少時間......不過有你細妹幫手應該都唔困難
回覆刪除[版主回覆05/28/2010 10:48:00]哈哈...ok啦, 咁我想影多d套靚杯嘛~~而且我又唔洗做當日註冊, 出門時間又唔趕, 所以慢慢都唔怕~~同埋我個伴娘同細妹o既伴娘都係同一個~~~~~~都係我表妹...佢真係經驗十足架o勒 XDD