月頭已經落實左一個租盤
但由於要等前租客確實到正式遷出日期 (佢地新屋裝修緊)
所以都未敢買定d傢俬...等等
但臨近聖誕 & 新年
好多地方都會做大特價
而且我地都覺得，搬入去....最重要有張床先
其他都可以慢慢添置
所以呢輪有時間就去睇下床架同床褥
每日我地咁辛苦工作
返到屋企當然想有個舒適o既環境休息
所以...床係最最最緊要架
老公話...幾貴都要買張好d o既床褥
所以早早已經諗住買愛皇健
上個FRI約左朋友食飯，未夠鐘前去左新世紀行街
順便睇床褥
試過幾間...席夢思, 絲縺同埋愛皇健
老公都係鐘情愛皇健
佢仲要好識揀，試訓幾張
咁都比佢揀到張貴o既
專門店有65折.....張太空棉(11寸厚)床褥折實都要$14,400
咁我地當然唔會咁快落訂啦
因為知道一田將會做特價嘛
唔爭在等多一個week
尋日，無野做落左去沙田市中心行實惠
比我地見到另一張太空棉床褥 (11寸厚) 折實 $10,500咋
呢張同之前果一張o既分別係質料
呢張用羊毛，貴果張我唔知佢用咩料
但老公話訓落去感覺一樣喎
爭成4千蚊咁滯，我地當然買張平d啦
不過.....我地又點會咁快又放棄繼續搵平野呀
再走上一田參觀
去到床褥專區，已經有不少人係度試緊床褥
我諗大部份人都係諗住試定
好o既做特價時立即買，唔洗迫住人黎試
一去到就見到岩岩試果張床褥
問一問個sales，知道25-11 - 29/11期間
呢張床褥大特價.........唔好眨眼呀........折實晒係$7,599 *0*
我地立即眼都凸埋
又平幾千......立即同sales講我地減價日會再過黎
但個sales好好，佢話因為限售50張
可以幫我做左登記先
到時我黎到比錢就可以
咁樣....我地就足足比原先揀定果張床褥
慳左一半價錢咁滯
所以....想做精明C9....又點可以唔周圍格價呀
各位JM...黎緊就係一田減價啦，除左床褥外
仲有好多床上用品好抵架...到時我都會冒住比人迫扁o既準備
去買返一兩set靚靚床單
ha.. 你真係好勁呀. !!! 我都要學做人 精明 c 9 先
回覆刪除[版主回覆11/23/2010 14:31:00]hahaha...慳得一蚊得一蚊嘛....況且家陣講緊幾千蚊喎
WA~~平左好多呀咁
回覆刪除希望第時我都好似你咁買到平野就好喇
我最緊張係張床
[版主回覆11/23/2010 14:32:00]呢樣真係好重要, 你留意下一田幾時做大減價呀, 真係平好多
愛皇健床褥真係勁舒服架
回覆刪除舒服到我訓左落去唔願起身架
[版主回覆11/23/2010 14:32:00]hahaha...諗起都想訓呀
係呀,一田大減價呀!!!但係有啲嘢星期四開售,唔駛番工咩.....
回覆刪除[版主回覆11/23/2010 16:50:00]我收工去 最多食少一餐飯啫
你呢張床褥抵到喊呀!!!慳咗一半係7千幾喎,可以兩個人去泰國玩喇!!!!
回覆刪除[版主回覆11/23/2010 16:51:00]真係好抵, 可以以budget一半價錢買到相同o既野bor...好開心
我都係等梗明天一田減價就會大掃床上用品呀!!!
回覆刪除[版主回覆11/24/2010 15:46:00]唔知聽日會唔會大家就係旁邊搶緊平野都唔知呢...
好勁呀,,精明太太.平左好多^^HAHA!
回覆刪除[版主回覆11/25/2010 09:51:00]結婚旅行洗左大半身家咁滯, 唔慳d真係唔得掂呀...haha
我呢排都睇緊愛皇健床裖, 你買果張係咪叫 IWC? 今日個SALES 介紹話IWC 太空棉床裖 5呎, 係實惠折實咗$11124. 另一張新出無太空棉的都要 $8780~
回覆刪除專門度我都問過, 唔太記得邊張打邊張, 但佢個價好似係最貴的!!
一田又唔知幾時先做特價
[版主回覆04/02/2011 11:56:00]我地果時都有去專門店睇, 同款但唔同料的折左要14k, 我地買呢款有太空棉, 但唔sure係咪叫IWC, 但我地果張係4呎半, 但呢張真係超正呀, 我陀b咁耐, 暫時都未見有腰痛情況
真係唔知一田幾時再做特價, 但你唔急o既等到6月可能有第二轉 (我估), 因為一田一年做兩次架超級大特價架, 抵好多架嘛