住宿: Howard Winchester Hotel
景點: Oxford City / Christ Church College
晏晝我地訂左車飛去Oxford
感受一下書卷氣
去到Paddington Station
當然要同Paddington Bear影相 ^^
午餐係車站搞掂
車站係露天架,好多鴿係度飛黎飛去
幾驚食食下會中頭獎呀
準備上車啦
今次搭First Great Western o既列車
大約45分鐘就已經到達
不過.....雨勢越來越大
原來我做漏左Oxford o既資料
唔記得print定地圖備用
好彩車站都有information,立即拎返張地圖study一下
大家睇下,堅係大雨架
落左車都仲未知點樣行去「霍格華茲」Hogwarts School o既真身 - Christ Church College
不過路在口邊,開口問啦
問下再行下就到達lu
最可惜係一直落住不小o既雨
所以跟本無可能行出戶外影相
哎吔....仲想坐係草地影返張架嘛
踏上石級後,就到達經常係Harry Potter出現o既場景 - The Dining Hall
裡面真係好靚呀,唔知點形容比較貼切
總之感覺好grand....
一入到黎就諗起哈利,榮恩同埋妙麗啦
之後就行去旁邊o既Church參觀
影到咁上下,發生了小插曲
我地第一次嘈交呀 >0<
其實應該話我比老公激到忟忟地
忍唔住發脾氣,喊左出黎
嗚.......搞到無晒心機再繼續影相之後本來想返去車站再轉車去Outlet行街架
點知...雨越落越大,又搵唔到車
人就越黎越忟,中途老公係咁氹我
我都唔想應佢
返到車站發現已經唔夠時間來回Outlet
唯有返轉頭去市內行街
氣已經下了.....終於肯影返相啦
之後係supermarket買左2個Tiramisu返黎食
嘩......d酒味重到我食唔落呀
早知買chocolate cake啦
大雨過後,突然回頭一望
比我發現一條好長o既彩虹
好靚呀~~立即全日o既唔好心情都一掃而空
唔嬲佢啦
我地搭夜晚7點幾o既火車返去
係車上無無聊又係度自拍
返到倫敦又走左去Piccadilly Circus逛
買手信呀
跟住就去左之前諗住試o既一間扒房
一心諗住咁多人幫襯...價錢又咁貴 (係我心中好貴架o勒)
實好好味啦
點知.....期望過高添
呢餐盛為50磅
無錯....50磅係得枱面上咁多野架咋
食飽行陣都馬上返酒店執定行裝
因為第二日我地去曼城啦)))))))))))))))))))))))
見到你啲行程係非常豐富,好正啊!
回覆刪除[版主回覆11/17/2010 17:10:00]真係好豐富呀, 所以寫遊記都用我好多時間....haha 得閒回味下都唔錯 ^^